Нэг өдрийн дотор бүртгэгдсэн хамгийн олон тохиолдол болж байна. - НАМБУС

Нэг өдрийн дотор бүртгэгдсэн хамгийн олон тохиолдол болж байна.

 “Өчигдөр улсын хэмжээнд 20,853 сорьцод шинжилгээ хийхэд 61 хүнээс коронавирус илэрлээ.

Шинээр илэрсэн тохиолдлууд бүгд Улаанбаатар хотод бүртгэгдсэн бөгөөд бүгд батлагдсан тохиолдлуудын ойрын хавьтлын хүмүүс болон халдвар голомтолж гараад буй газруудтай холбоотой байна.

Тухайлбал, “Монгол шир” компани, Гутлын цех, ББСБ, “Амгалан” амаржих газар болон гэр бүлийн ойрын хавьтлуудаас коронавирус илэрсэн байна.

Ингэснээр Улаанбаатар хотод бүртгэгдээд буй тохиолдол 1,153 болсон бол дотоодын халдвар 1,479-д хүрээд байна.

Харин улсын хэмжээнд бүртгэгдсэн нийт тохиолдол 1,989 боллоо. Үүнээс 1,449 хүн эдгэрээд байгаа бол 527 хүн эмчлэгдэж байна.

Эмчилгээнд байгаа хүмүүсийн биеийн байдлыг үнэлбэл,

  • Маш хүнд-1
  • Хүнд-5
  • Хүндэвтэр-79
  • Хөнгөн-442 хүн байгаа юм” гэв.
Spread the love